هاني هاشم
علق المخرج محمد سامي، على خسارة الفنانة عفاف شعيب للقضايا التي رفعتها ضده على مدار عامين.
وقال محمد سامي: “مدام عفاف شعيب بقالها سنتين بترفع عليا قضايا وبتخسرها ، والنهاردة كانت آخر قضية وبرضو خسرتها ، ماعرفش ليه هى مصره تقاضيني بدون وجه حق وتقول إني سبتها وغلطت فيها في أحد البرامج التلفزيونية وده محصلش ، والمحاكم حكمت إنه محصلش وبأحكام نهائية والمحاكم سببت أحكامها بأنه لم يحدث مني تجاهها أي تجاوز أو إساءة”.
وتابع:”وكل الأحكام الصادرة من المحاكم الجنائية والمدنية كانت لصالحي في كل الدرجات وأصلا الحلقة اللي هى إدعت إني سبتها فيها موجودة أون لاين و أي حد يقدر يشوفها ، أنا مستحيل أتجاوز في حق ست فى سن أمي أو أكبر وكمان فنانة كبيرة و ليها تاريخها”.
واستكمل:”أنا أول مرة أقول تصريح بخصوص الموضوع ده لأنى إنتظرت لما الفنانة تخسر القضايا بكل درجاتها زي ما حصل وبعدين أتكلم ، ودلوقتي بناقش أنا والمستشار القانوني الأستاذ/شعبان سعيد المحامى المفروض نعمل إيه الفترة دي بعد سنتين من التجاوز فى حقي و الإساءة لشخصي”.
وأضاف:” إما إننا نبدأ نتخذ إجراءات قانونية ضدها بالتعويض على التشهير و إفساد السمعة أو إننا نقول عفا الله عما سلف و الست و المحامى بتاعها دلوقتي فيهم اللي مكفيهم و المفروض نكبر دماغنا و مانزودش عليهم الهم و نسامحهم و ناخدهم و نتعشى مع بعض بره و نعزمهم على (ريش وبيتزا )”.
