كتب عاطف حنفي
تقدم المهندس حازم الجندي عضو مجلس الشيوخ اقتراح بإنشاء صندوق معاشات خاص بالمصريين المغتربين
تحرك رسمي جديد من البرلمان لدعم المصريين العاملين والمقيمين في الخارج.. علشان يضمن لهم حياة كريمة بعد التقاعد أو في حالات العجز والرحيل.
المقترح كمان بيشمل ربط الصندوق بمنظومة رقمية تسهّل الاشتراك من الخارج، مع إمكانية ضم سنوات العمل السابقة، وتقديم حوافز تشجع المغتربين على الاشتراك خطوة هدفها الأمان، الاستقرار، وتقوية علاقة المصريين في الخارج بوطنهم.
الفكرة جاية من إن ملايين المصريين في الخارج بيمثلوا ثروة هائلة وقوة اقتصادية كبيرة للدولة، وتحويلاتهم مصدر أساسي للعملة الصعبة.. لكن في نفس الوقت، شريحة كبيرة منهم مافيهاش مظلة تأمينية مستقرة تحميهم بعد سنين الغربة والشغل.
الصندوق المقترح هيكون تابع لجهة حكومية، والاشتراك فيه هيبقى اختياري ومرن، باشتراكات شهرية أو سنوية تناسب طبيعة العمل واختلاف الدخول.. كمان هيتيح استثمار آمن للأموال علشان يضمن استدامته وصرف معاش شهري مناسب للمشتركين.
