كتب- هاني هاشم
وجه المخرج خالد جلال، رسالة خاصة للكابتن محمود الخطيب رئيس مجلس إدارة النادي الأهلي بعد اعلانه عدم الترشح في الانتخابات المقبلة لرئاسة النادي.
وكتب خالد جلال عبر حسابه الشخصي على فيسبوك: “اوعوا تكدبوا الكدبة و تصدقوها …. الأعلام والأهرامات فوق المقارنات زي ما جمال عبد الناصر مش هتتأثر مكانته برأي حضرتك في النكسة ولا السادات برأيك في الانفتاح ولا عبد الحليم برأيك في محمد رشدي ولا بليغ برأيك في السنباطي ولا أم كلثوم برأيك في اسمهان ولا عبد الوهاب برأيك في أي ملحن وهكذا”.
وتابع: “محمود الخطيب لا تتأثر مكانته برأيك فيه بصراحة ولا برأيك في نتائج فريق كرة قدم آخر كام شهر لأنه في الحقيقة في تمن سنين عمل اللي فرق كبيرة مش عارفة تعمله في سنوات ضوئية، أفرع للنادي واستاد مهيب ولعيبه من أفضل اللاعبين.. تقوم تيجي حضرتك وتفتكر كمشجع بائس أن ممكن تتكلم عن أسطورة رياضية وإنسانية ومعشوق الملايين .. وتسعد بقرار عدم رغبته في التجديد وتروج لأن لاعب شاب سابق ولا رجل أعمال هيجوا مكانه”.
واستكمل: “عزيزي الخطيب لو قرر آخر يوم ينزل تاني هيكسب تاني، احنا مش بنتعامل مع محمود الخطيب كشخص عادي بقي رئيس مجلس ادارة الأهلي إنما بنعامله معاملة الأهرامات زيه زي التتش وصالح سليم والفريق المرتجي والناس العظمة دي.. فهمت؟”.
وأضاف: “أهو محمود الخطيب ده زي كل اللي اتكلمت عنهم ف الأول أهرامات حد ف تاريخ الكون جه مصر و فكر يجرب يهد الأهرامات؟.. بنحبك يا كابتن محمود الخطيب يا بيبو يا جميل وأي وقت تقرر إحنا معاك برضوا.. ربنا يتم شفاك على خير.. وقال على رأي الأغنية بتاعتك.. بيبو بيبو بيبو الله يا خطيب”.
