كشفت الفنانة هند عبدالحليم، تطورات أزمتها الصحية بسبب حقن التخسيس، والتي أجبرتها لنقلها إلى المستشفى.
ونشرت هند عبدالحليم، فيديو لها، عبر حسابها على إنستجرام، قالت فيه: “عايزة أشكر كل الناس اللي كانت بتسأل عليا سواء بعتتلي أو كلمتني أو كانت بتحاول تكلمني وتوصلي وبعتذر جدا لو مكنتش قادرة إني أرد بسبب التعب اللي كنت فيه”.
وتابعت هند عبد الحليم: “شكرا لكل حد دعالي ولكل حد زارني شكرا جدا.. أنا الحمد لله دلوقتي أحسن وبتحسن”.
واستكملت هند عبدالحليم: “عايزة أقول حاجة يمكن أقدر أفيد أي حد اللي حصلي ده بسبب حقن التخسيس مطولتش فيها خالص.. أخدت شهر وأسبوع تقريبا.. تعبت جدا ودخلت المستشفى وحصلي شلل مؤقت في المعدة أدى إلى إني مكنتش عارفة أكل ولا أشرب وألم رهيب وكنت قاعدة على المحاليل”.
وأضافت: “نصيحتي لو أي حد عايز يعمل كده لازم تتابعوا مع دكاترة وتعملوا التحاليل اللازمة عشان تشوفوا لو جسمكم هيستحمل ويبقى قابل لده أو لأ، بس كدة”.
