انتهت أزمة التصريحات بين المطرب رامي صبري، ومطرب الراب ويجز، بعد اعتذار الأول عما بدر منه من تصريحات تليفزيونية.
بداية الأزمة
صرح المطرب رامي صبري، بأحد البرامج التليفزيونية، أن اسمه يأتي في قائمة أهم 5 نجوم في مصر، وأنه من أهم 5 مغنيين في مصر.
رد ويجز
رد مطرب الراب ويجز على رامي صبري، عبر حسابه على “إنستجرام”: “هتكلم على فنان فاكر إنه عنده صلاحية يطلع يتكلم على أي حد، والناس تسمع وتسكت يعني، الفنان ده اسمه رامي، رامي ده بقى كل ما يقعد 4 أو 5 شهور يزهق يطلع يقعد يتكلم في التليفزيون على بتوع الراب والهيب هوب وكده”.
وأضاف ويجز: “هتتكلم امتى عن فنك ومجالك، أنا شايف إنك مابتفهمش حاجة في الراب ولا بتفهم الكلام بتاعه، أو زي ما انت قولت قبل كده، ومش هتعرف تعمله، وأنا راجل مثلا لو لقيت واحد بيعرف يسوق عجلة وأنا مبعرفش بحترمه، ليه عشان هو عمل حاجة أكيد غير اللي أنا عملتها، اشتغل على نفسه في حاجة أنا مشتغلتش على نفسي فيها، وانت مبتقدرش الفنانين دول وشايفهم كده بيحاولوا يوصلوا لليفل انت فيه في حين أنهم معديينك، أنت مش رقم 2 انت يا رامي أنت رقم 19، أنت بعيد أوي”.
تدخل الشاعر تامر حسين
وكتب الشاعر تامر حسين ، عبر حسابه على فيسبوك: “أنت صوت عبقري مش محتاج رأيى وخطواتك ماشاء الله لطريق النجاح بتكبر وتزيد وكل سنه عندك هيت ناجح ومكسر الدنيا ولسه شايف ترتيب أنغامى أنت رقم ٢ ف الإستماع بعد الهضبه البوم مكانك وفى الصدارة”.
وأضاف: “تصريح مش موفق مِن ويجز رغم انى شفت له أكتر من لقاء كان راجل مُثقف ومُهذب جايز يكون واخد على خاطره ُ أو فِهم كلامك غلط
انما الأرقام اللى قالها مش أرقامك ولا الطريقة مُناسبه وإنت الكبير يا روما.. ويجز لو يعرف إنت اول واحد باعتلى أغنية البخت وبتقولى الراجل ده عنده حاجه مختلفة مكنش هيزعل كده، دي شهادة حق والله”.
اعتذار رامي صبري
رد المطرب رامي صبري على رسالة تامر حسين، قائلا: “حبيبي تامر حسين الشاعر الكبير العظيم شكرا علي كلامك الجميل اللي زيك
ويجز أخويا الصغير وانا مسامحه وحصل خير”.
رد ويجز على اعتذار رامي صبري
رد مطرب المهرجانات ويجز، على اعتذار رامي صبري، عبر خاصية القصص القصيرة على “إنستجرام”: “سامحتني قبل ما أعتذر، أخلاق ملاك بجد أحرجتني بأدبك، حصل خير يا رامي، وبعدين أخوك الصغير إيه إنت عجزت، إنت لسه صغير أوي بالتوفيق يا مجتهد”.
