كتب_جوهر الجمل
وجه النجم خالد النبوي خلال المؤتمر الصحفي الخاص بتكريمه ضمن فعاليات مهرجان الأقصر للسينما الأفريقية، رسالة لإبنه نور مازحاً إياه، حيث بارك له على النجاح الكبير الذي حققه مؤخرًا بفيلمه “الحريفة2” ودخوله فئة أعلى الأفلام تحقيقًا للإيرادات بعد تخطي إيراداته 100 مليون جنيه، قائلاً: “بعد ما قولت أنك بتتعلم مني إمبارح أنا كمان بتعلم منك عشان أنافسك”.
كما قدم الفنان خالد النبوي لنجله نصيحة، قال فيها: “أنا ابتديت بأعمال لا يتوقعها الممثل، زي مسلسل بوابة الحلواني فيحصل هذا النجاح وهذه الشهرة وبعدها المهاجر ممثل بيبتدي أول بطولة يبقى فيلم بهذا الحجم مع مخرج عظيم زي يوسف شاهين، هذا النجاح أنا مقدرتش أتعامل معاه ومكنش عندي الخبرة أعرف أعمل إيه”.
وتابع: “أنا طريقي كان صعب ومكنتش عارف اتصرف في نجاحي إزاي بقيت أعمل التجربة والخطأ أو التجربة والنجاح، لحد ما حصل اللحظة اللي بقيت قادر أقول لا وأني أتحرر ولما قررت مبعش فني للي مش عايزه، واتعملت إني مش بالضرورة أبدا إن أعظم مخرجين عايز اشتغل معاه أني أعمل معاهم أحسن أدواري، ونور لا يكتفي بموهبته الحالية فقط، ولكنه بيعمل مجهود خرافي”.
