كتب_جوهر الجمل
لفتت الفنانة الشابة “رانيا منصور” في الآونة الأخيرة الأنظار إليها بعد تقديمها لعدد من الأعمال الناجحة التي حازت على إعجاب المشاهدين، مثل مسلسل “رقم سري” و”الوصفة السحرية”، كما أعلنت عن انضمامها لفريق عمل فيلم “لأول مرة”، والذي من المقرر عرضه في دور السينما يوم 22 يناير الجاري.
ولكن مؤخراً أثارت رانيا منصور الجدل بعدما أعلنت أنها في صف الإعلامية رضوي الشربيني ضد الرجالة، وكان ذلك في حديث لها مع إحدي المواقع المصرية والتي كشفت من خلاله عن العديد من التصريحات وأعمالها القادمة.
وجاء ردها علي سؤال في سياق دورها في مسلسل “الوصفة السحرية.. هل إنتي مع رضوى الشربيني أم ياسمين عز؟، قالت رانيا منصور: “لا مع رضوى الشربيني أكيد، يعني أنا مبشوفش رضوى الشربيني ضد الراجل على فكرة، أنا بشوفها إن هي ضد الراجل اللي مش كويس اللي عنده نوايا مش كويسة وبيلعب بالست، فهي ضد الراجل ده مش ضد الراجل في العموم بالعكس يعني في كذا فيديو من الفيديوهات كانت بتبقى متعاطفة جداً مع الرجالة اللي بيكلموها يعني.
مضيفة: “بالعكس بشوف رضوى أن هي بصراحة شخص معتدل جداً إلا لو شافت أنه راجل بيلعب بالست فهي دايماً بحس إنها بتوعي الستات أكتر من أنها بتقلب الستات على الرجالة زي ما بيتقال عنها بس أنا مبشوفش ده مظبوط”.
وعن إطلالتها الأخيرة في حفل توزيع جوائز “Joy Awards” قالت رانيا منصور: “والله معرفش مين انتقد الإطلالة بتاعتي الحقيقة كل التعليقات اللي جاتلي تعليقات لذيذة وانبسطت بيها جداً، وحتى لو حد انتقد يعني طبعا مع احترامي لكل الناس دي أذواق، ومقدرش اعترض على رأي الناس في أي حاجة”.
