هدى المفتي تفاجئ جمهورها: “عمري ما جالي عريس حقيقي لحد دلوقتي”!

كشفت الفنانة هدى المفتي في تصريح جريء خلال ظهورها في برنامج “صاحبة السعادة” مع الإعلامية إسعاد يونس، أنها لم تتلقَ أي عرض زواج رسمي طوال حياتها، سواء من أصدقاء أو معارف، قائلة: “عمري ما جالي عريس حقيقي، ولا حد اتقدملي بشكل رسمي، بس بيجيلي رسايل على إنستجرام… مش عارفة يمكن بيخافوا مني!”.

وتحدثت هدى عن نظرتها للزواج منذ الصغر، موضحة: “وأنا صغيرة كنت عارفة أنا عايزة إيه… وكان عندي أحلام كتير، ولا واحدة فيهم كانت الجواز، لأن بابايا كان دايمًا يقول الست مش لازم تتجوز إلا لو هي عايزة، على العكس مامتي كانت دايمًا تسألني: هو مفيش حد خالص؟”.

وأضافت الفنانة الشابة أنها شخصية عاطفية بطبعها، وتحدثت عن تجربة حب قديمة في المرحلة الثانوية، قائلة: “كنت بحب جدًا وأنا في تالتة ثانوي، وكان حب من طرف واحد، وفجأة اختفى… وبعدها عرفت إنه اتجوز!”.

وفيما يتعلق بالشائعات التي تتردد حول ارتباطها، أكدت هدى المفتي: “الإشاعات بنسكت لحد ما تموت، ولو في حاجة حقيقية ليه ما أقولهاش؟ الجواز عندنا إشهار، ولو فرحانة هقول طبعًا”.

يُذكر أن هدى المفتي تُشارك حاليًا في بطولة فيلم “بنات فاتن” إلى جانب النجمة يسرا والفنان باسم سمرة.