كتب_جوهر الجمل
نشرت النجمة منة فضالي منشور عبر حسابها الرسمي على موقع التواصل الاجتماعي “فيس بوك”، تودع من خلاله العام الحالي بحالة من التأرجح بين الحلو والمر.
وقالت منة فضالي في منشورها: “سنة كان فيها الحلو والوحش برضو، بس دايما بقول الحمد لله على كل حاجه تيجي، بس دايما لازم يكون عندنا أمل في الحياة مهما كان اللي بنمر بي دايما نقول يا رب وربنا كبير ممكن ظروفنا مش شبه بعض وحياة كل شخص غير التاني بس في الاخر كلنا واحد واحنا اللي بنغير وبنختار حياتنا اللي احنا عاوزينها، اللي عاوزه أقوله من كل ده إن مفيش حاجة حتتغير غيرنا.. احنا بنموت وبيتولد غيرنا في مجتمع وتفكير تاني غيرنا، نحاول نحمد ربنا على أي حاجة ربنا مديهالنا”.
كما أكدت “منة” في المنشور الذي كتبته خلال الساعات الماضية، قائلة: “أنا بالنسبة لي كانت سنة فيها شغل اه وسفر وحاجات كتير بس كان فيها اوحش حاجة إن أمي جالها سرطان وعشت فترة صعبة، برغم إنها كانت في المستشفى كنت بصور في نفس الوقت ومكنتش بنام يعني في الآخر الحمد لله على كل شيء، كل سنة وأنتم طيبين وسنة سعيدة عليكم يا رب وعلى كل أحبابكم وكل اللي نفسه في حاجة تتحقق يا رب”.
واختتمت المنشور، قائلة: “شكرا لكل حد وقف جنبي أو ساعدني من بعيد أو قريب شكراً لكل الناس اللي اشتغلت معاهم ويا رب دايما أكون عند حسن ظنكم في شغلي، شكرا لجمهوري والفانز والإعلاميين وكل الناس اللي بتشجعني دايما”.
يُذكر أن منة فضالي أعلنت مرض والدتها في شهر مارس من العام الحالي 2024، عبر حسابها على موقع فيس بوك، وقالت إن والدتها أصيبت بسرطان القولون، واضطرت إلى استئصال 90% منه، بجانب عمل تحويل مسار والكثير من الخطوات حتى تشفى.
وتُشارك الفنانة منة فضالي في موسم دراما رمضان 2025، من خلال مشاركتها في مسلسل “سيد الناس” مع الفنان عمرو سعد ومجموعة كبيرة من الفنانين، إخراج محمد سامي.
