أعرب حسام حسن، المدير الفني لمنتخب مصر، عن رضاه الكبير بعد الفوز الصعب على جنوب إفريقيا، مؤكدًا أن الفريق تمكن من تجاوز أصعب الظروف التي واجهته في البطولة.
وقال حسام حسن في تصريحات له: “أنا مش هتكلم على التحكيم لأني بحترم التحكيم الإفريقي، ومش هرد على اللي قاله مدرب منتخب جنوب إفريقيا، لكن أنا كنت بلعب ناقص النهاردة شوط كامل وكسبت”.
وأضاف: “احنا المنتخب الوحيد اللي اتعرض لأصعب الحاجات اللي ممكن تحصل لأي منتخب في البطولة، بنتأخر قدام زيمبابوي وبعدها بنكسب، والنهاردة بنلاعب فرقة كبيرة وشوط كامل ناقصين واحد، الظروف اختبرتنا كلها”.
وأشار المدير الفني إلى أن تفكيره يتجاوز نفسه، ليشمل الجماهير المصرية بأكملها: “أنا مش بفكر في نفسي، أنا بفكر في الشعب المصري. بتخيل الشوارع في مصر والمحلات والبيوت والكافيهات،
وبتخيل دعوات الستات اللي قاعدة بتدعي لمصر. وقلت للاعبين: انتوا ليكم أهل، لازم تفكروا فيهم وتفرحوهم، مش أهلكم بس، الشعب المصري كله. احنا لسه هنتطور وهنجتهد أكتر لأن المشوار طويل”.
