بعد إعلان شيرين عبد الوهاب خطوبتها ومباركة حسام حبيب لها أزمة جديدة لاحت في الآفق بعد انتشار مقطع صوتي لـ حسام حبيب، أتهم فيه شقيق شيرين عبد الوهاب وأسرتها ببيع حساباتها على السوشيال ميديا.
وعلق حسام حبيب على انتشار هذه المقاطع الصوتية، في تصريحات لـ برنامج ET بالعربي قال فيها: التسجيلات المنتشرة ليا دي متاخدة من تليفوني وأنا مصرحتش بالكلام ده، وأنا هقدم بلاغ للنائب العام ضد اللي سرقهم، ودي جريمة يعاقب عليها القانون، وأي حد هينشر كلام أنا مصرحتش بيه هعمل ضده بلاغ وأنا بحذر اللي هينشر.
وأوضح حسام حبيب: أما الموضوع اللي في الفويسات إن أخوها مضى توكيل بأثر رجعي وإنه يتنازل عن السوشيال ميديا الخاصة بشيرين عبد الوهاب دون علمها، في بلاغ شيرين مقدماه عن طريق ياسر قنطوش بتقول فيه نفس الكلام اللي قولته.
وتابع: أنا مبقولش كلام مرسل، والبلاغ بيقول نفس الكلام ده، والمفروض إن الناس بدل ما تهاجم تفهم مين السبب في إن شيرين مش عارفة تتواصل مع جمهورها ولا عارفة تنزل أغاني جديدة وهما اللي تسببوا في مشاكل كبيرة جدا بينها وبين شركة الإنتاج بتاعتها.
على الجانب الآخر قررت شيرين عبد الوهاب أن تصدر بيان توضح فيه تفاصيل جديدة في أول تعليق على هذه الأزمة.
