رد الفنان تامر حسني عبر حساباته الرسمية على مواقع التواصل الاجتماعي على ما أثير بعد ظهوره في أول أيام رمضان ضمن الحملة الإعلانية الخاصة بشركة شيبسي، مؤكدًا أنها شركة مصرية، وتقوم على البطاطس التي يزرعها الفلاح المصري.
وكان قد واجه تامر حسني هجوم كبير عبر مواقع التواصل الاجتماعي بعد ظهوره في إعلان شيبسي وتدوال أخبار تتحدث عن خسارته مليون متابع في ساعات معدودة.
وكتب تامر حسني منشور طويل قال فيه: مساء الخير عليكم .. بقالي يومين بتابع اللي بيحصل واحتراماً للجميع .. أنا بوضح حاجة بخصوص إعلان شيبسي الاخير.
وأضاف تامر حسني عن تفاصيل عقده مع شركة شيبسي قائلًا: أولاً أنا على قوة الشركة من سنتين قبل أي أحداث وده مش أول إعلان ده ثالث إعلان في عقدي، معلش احياناً الكلام عند بعض الناس بيبقى سهل و تحديداً لما بيكون بدون علم بالعقود و بحيثيات الموضوع كله.
وتابع: ثانياً أنا مضيت على عقد مكتوب فيه أن شيبسي شركة مصرية و لها سجل تجاري ضريبي مصري منفصل والبند قدامكم اهوه لصدق كلامي.
واستكمل: ثالثاً والأهم لأي حد بيشكك في انتمائي للقضية الفلسطينية هقوله أنا من 20 سنة وأنا في ضهر القضية ومش كلام وأغاني بس لاااااا …. أنا روحت بنفسي معبر رفح أثناء الضرب لمساندة أهالينا هناك بأكبر حملة معتقدش في حد هيخاطر بحياته و يروح بنفسه معبر رفح اثناء الضرب مجامله مثلاً …!!
واختتم حديثه مبررا موقفه: أنا لما قررت اكون الوجه الاعلاني لشيبسي من سنتين لأنه منتج مصري كل المصريين بيحبوه والبطاطس من الفلاحة المصرية وبيتباع في مصر بس و اتربينا عليه والأهم أن الشخص البسيط يقدر يشتريه في ظل ظروفنا الاقتصادية وأظن ده واضح في الإعلان .. ده كان شعوري الشخصي اتجاه الحملة وأنا بمضيها من سنتين عشان كده كان واجب عليا التوضيح للجميع وللّي مش واصلاله الصورة بكل احترام .. وشكراً لكل اللي ردوا عني وهما مغمضين حقيقي انتوا نعمة كبيرة من ربنا الف شكر و رمضان كريم على الجميع.
