سرقت الدهب وقتلته بالسكينة.. اعترافات مثيرة لقاتل جواهرجي بولاق أبو العلا

كشفت التحقيقات في واقعة مقتل حسني الخناجري، جواهرجي بولاق أبو العلا، أن المتهم سرق مشغولات ذهبية تمثلت في 5 غوايش، و6 سبائك ذهبية، و7 جنيهات ذهب، و4 خواتم، و4 سلسة، و3 انسيالات، ومبلغ مالي.

وقال المتهم : ظروفي المادية كانت صعبة روحت شارع درب نصر ولقيت حوالي ۳ محلات ذهب وكان منهم المحل اللي أنا سرقته وخدت بالي أن المحل ده بيقف فيه واحد بس وروحت تاني يوم الأحد لقيته قافل ويوم الأثنين الصبح روحت الساعة ١:٣٠ مساءً تقريباً وكان صاحب المحل موجود ولقيته قاعد في المحل لوحده فدخلتله ورسمت عليه وضحكت عليه وقولتله أنا معايا وديعة كسرتها عشان أرباحها قليلة قالي بكام الوديعة قولتله بمبلغ ۳۵۰ ألف جنيه وأنا بتكلم معاه ساعتها فيه واحد جه قعد بعد ما خلصت كلامي وبعد كدة أنا خدت بعضي ومشيت وركبت ميكروباص وطلعت علي بولاق الدكرور في شقتي وجبت سكينة من البيت ورحت له

وتابع المتهم :دخلت المحل ولقيت صاحب المحل بس فوجئت إن في عامل معاه وفكرته بنفسي اني جتله الصبح وهو افتكر وساعتها وقعدت أطمع فيه وأقوله أوزنلي لحد ما أنا أجيبلك فلوس زيادة وقولتله أنا عاوز غوايش مقاس كبير وقعدت اتوه في الراجل وحرفيا طلع كل الدهب وقتها قررت أنهي حياته واسرقة