موقع اليوم جريده اليوم – جريدة اليوم
أعلنت الفنانة مي عمر انتهاء تصوير مسلسل إش إش من خلال فيديو عبر حسابها على موقع انستجرام والذي يشارك ضمن مسلسلات رمضان 2025، كما حرصت على توجيه الشكر لزوجها مخرج المسلسل محمد سامي.
تقدم مي عمر دور راقصة ويشارك معها في المسلسل عدد من الفنانين منهم علاء مرسي والفنانة انتصار وشيماء سيف وهو أول عمل فني لها بعد إجراء عملية التكميم وفقدان الكثير من الوزن.
وكتبت مي عمر تعليقا على الفيديو: ”حقيقي مش قادرة أوصف إحساسي وأنا بودّع الشخصية اللي عشت معاها رحلة فيها كل حاجة من ضحك وبكاء وقلق وفرح. حبيت كل لحظة قضيتها وأنا بجسدها، وحاسة إن جزء مني هيفضل معاها دايمًا، وهيوحشني كل تفصيلة فيها بجد.
وتابعت: شكرا لكل فرد من فريق العمل اللي اشتغل بإخلاص عشان يطلع العمل ده بأحسن شكل.. فريق العمل في “إش إش”، كان سر نجاح كواليس التجربة دي. كل حد في الفريق، من أول التقنيين لحد الإنتاج، كان بيشتغل من قلبه عشان يطلع العمل بأحسن شكل.
واستكملت: بجد، ما حسيتش إني لوحدي لحظة، كلنا كنا إيد واحدة، ودايمًا بنسند بعض.. شكر كبير لكل واحد فيكم، على تعبكم وإخلاصكم وعلى كل لحظة قدمتوا فيها دعمكم وحبكم.
أيضا وجهت مي لزوجها المخرج محمد سامي قالت فيها: شكرًا ليك على صبرك وعلى نظرتك اللي كانت دايمًا بتشوف التفاصيل اللي ما حدش غيرك كان ممكن يلاحظها، وشكرا إنك بتعرف ازاي تخرج مننا أفضل ما عندنا، وعلى إبداعك وتوجيهك في كل مشهد.. شكرًا إنك كنت قائد حقيقي لينا وخلّيت “إش إش” يبقى تجربة ما تتنسيش.
واختتتمت المنشور: منتظرة بفارغ الصبر تشوفوا “إش إش”، وأتمنى توصل ليكم مشاعرنا بنفس القوة اللي حسيناها.. شكراً لكل واحد كان جزء من الحلم ده! وبوعد الجمهور إن شاء الله هيتفرجوا علي مسلسل متعوب على كل شوط فيه.. مسلسل “إش إش” بإذن الله هيكون مسلسل بيحترم ذوق الجمهور.
لمشاهدة فيديو انتهاء تصوير مسلسل إش إش اضغط هنا
