كتب- أحمد صلاح
قال محمد الشناوي، حارس مرمى الفريق الأول لكرة القدم بالنادي ومنتخب مصر، في تصريحات تليفزيونية: «أعتذر لجماهير النادي الأهلي وعملنا اللي علينا لكن ربنا ما أرادش».
وأضاف: «غير حقيقي إني اتخانقت مع بعض من جمهور الأهلي، ومينفعش يحصل مني الكلام ده».
وأكد: «جمهور الأهلي على راسي.. وهما الظهر والسند الحقيقي لنا».
وتابع: «كنا في صدمة امبارح ومش مصدقين حتى الآن خسارة الأمس ومقدرين زعل الجماهير».
وأكد: «الفيديو المنتشر عن مشادتي مع أحد الجماهير مقتطع.. وجملة أنا هامشي قلتها لطبيب الفريق وردي على المشجع: إني حاضر ماشي وداخل جوه غرفة خلع الملابس، مش تهديد للجمهور إني هامشي من النادي».
وواصل: «طول عمري في النادي وبقالي 18 سنة وعمري ما أهدد جمهور الأهل.. مصلحة الأهلي عندي أهم شيء».
«وأقول للجماهير عندنا ماتش مهم الأسبوع الجاي أمام شباب بلوزداد الجزائري، ونطالبهم بدعمنا عشان نواصل ونكسب إفريقيا تاني ونلعب تاني في الإنتركونتيننتال».
وقال: «الكل في النادي الأهلي ماشي على سيستم ونظام واحد مفيش فارق بين لاعب والتاني».
واختتم : «أنا ابن الأهلي وموجود في النادي لآخر يوم في عمري».
