بصوت يكسوه الحزن ودموع الخجل تفر من عينيها ، استغاثت سيدة من قرية تل الزوكي التابعة لمركز طما باللواء الدكتور عبد الفتاح سراج محافظ سوهاج، بعد أن سقط المنزل على رأسها هي ونجلتها مساء أمس.
سيدة تستغيث بالمحافظ
وتتحدث السيدة سمراء لموقع “اليوم” البيت وقع عليا وعلى جهاز بنتي وفرحها قرب ومش عارفة أتصرف ازاي، وخايفة باقية أجزاء المنزل تقع عليا وبنام في أول مدخل البيت، حتي قضاء حاجتي الشخصية بروح لجيراني.
مساعدات الجمعيات الخيرية
وتستكمل سمراء حديثها زوجي تركني منذ 20 عاماً وانفصلت عنه، وربيت بنتين أحدهم تزوجت والثانية مخطوبة، وعايشين على معاش تكافل وكرامة ومساعدات الجمعيات الخيرية لينا.
سيدة تطالب المحافظ بمساعدتها
وطالبت السيدة سمراء المحافظ عاوز البيت يتبني سترني، الطوب وقع على أجهزة بنتي ومعرفاش اتصرف ازاي ولا هقدر أجيب غيرهم تاني ده كان بالمساعدات، ومش عندي مصدر رزق ولا دخل.
