كتب- هاني هاشم
تعرضت الفنانة رحمة حسن، لأزمة مع شعرها بعد لجوئها لأحد المراكز الطبية بالزمالك، وهو ما تسبب في اصابتها بالصلع وتساقط شعرها.
وقالت رحمة حسن، عن أزمتها مع شعرها: شعري ابتدا يقع من الجذور ويقع أكتر بعد ما رحت عيادة في الزمالك والمفروض أنه أفضل حاجة موجودة.. كشفت وعملت التحليل المطلوبة كلها، كان شعري عادي خفيف تعبان لكن مش بيقع، بيقع كام شعرة عادي”.
واستكملت رحمة حسن “بعد ما روحت وعملت التحليل الدكتورة قالتلي كلها تمام ممكن بس الحديد نازل شوية! ممكن ناخد حديد، وهنعمل بلازمة من دمك يعني حاجة كويسة وآمان مية في المية! أوكي .. طبعا .. المهم روحت وسألتني الدكتورة قبل البلازمة بعد سحب الدم! أخبار الضغط بتاعك ايه ! قولت مش عارفة! قالتلي طيب المهم عملت اللازمة وميزوثاربي!!!! مش بلازمة بس ! الكارثة انه حططلي حقنة مينوكسيديل مع الحقنة وعملتها بالميزوثاربي!”.
وأوضحت رحمة حسن: “طبعا أنا معرفتش غير لما روحت البيت لأن كان ضربات قلبي غريبة وحاسة اني تعبانة ودماغي ثقيلة، بشوف الفاتورة لقيته أنها حططلي مينوكسيديل بدون ما ترجعلي الأول وأنا كنت بس مفروض أعمل بلازمة فقط من دمي.. بس من ساعتها شعري بيقع كل يوم ومفيش بيبي هير بيطلع أصلا ولو طلع بيقع تاني على طول”.
وأضافت رحمة: “لو أعرف من الأول مكنتش روحت أبدا .. لأنهم حطولي حاجة أول مرة استعملها بدون ما يرجعولي الأول .. وفي حاجة مهمة زي دي كان عندي ثقة قبل ما أروح لكن طبعا بعد اللي حصل مروحتش تاني أبدا وشعري فضل يقع من ساعتها.. أكتر وأكتر وكل الناس عارفة انك لو استعملت المينوكسيديل مينفعش يتوقف.. و هم عملوا الكارثة دي بدون ما يقولولي الأول حتى، ومن ساعتها وأنا شعري ونفسيتي في الأرض”.
