مشهد إنساني في لحظات فارقة دعم أحد المطاعم بمحافظة سوهاج مصابي حادث مطعم ميدان الشبان فكما قال الله سبحانه وتعالى بسم الله الرحمن الرحيم “وَمَا عِندَ اللَّهِ خَيْرٌ وَأَبْقَ صدق الله العظيم سورة الشوري الآية رقم 36، والذي نشب به الحريق مساء أمس وأسفر عن 13 مصاباً والذي تم نقلهم على الفور لوحدة الحروق بمستشفى سوهاج العام لتلقي العلاج.
دعم مصابي حادث الحريق
ونشرت الصفحة الرسمية للمطعم عبر حسابها الرسمي فيسبوك “المشهد كان أكبر من أي كلام… والناس بجد محتاجة دعم حقيقي ،إحنا في مطعم همام روحنا المستشفى النهاردا علشان نقدم الدعم لإخواننا وأهلنا، ووزعنا ليهم وجبات وعصاير من خير وكرم ربنا الناس هناك من امبارح منمتش بلا استثناء سواء أهل المصابين، التمريض، الدكاترة، وكل العاملين اللي واقفين على رجليهم ليل ونهار ربنا يوفقهم ويكون في عونهم جميعاً”.
كلمة طيبة وكتف يسند
وتابعت الصفحة لما روحنا هناك وشوفنا بعينينا، فهمنا إن اللي بيحصل أكبر بكتير من أي تخيل، ناسنا وأهلنا محتاجين مننا أكتر من مجرد دعاء أو بوست تعاطف. محتاجين وجود، دعم، كلمة طيبة، وكتف يسندهم في اللحظة دي.
الناس محتاجة مساعد ودعم
وأضافت إدارة الصفحة علشان كدا، إحنا في همام قررنا نبدأ بنفسنا، وكنا هناك، وهانفضل موجودين كل يوم على قد ما نقدر، علشان نوصل رسالة بسيطة الناس دي محتاجة مساعدتنا… بجد، لو عندك مطعم أو محل أكل؟ قدم وجبة، لو بتشتغل في صيدلية أو شركة مستلزمات طبية؟ وفر علاج أو أدوات، لو شغلك بعيد عن كل ده؟ الكلمة الطيبة، المشاركة، أو حتى نشر المعلومة… كل حاجة هتفرق.
نية صادقة من القلب
واختتموا حديثهم من خلال توجيه رسالة البوست ده مش دعاية، ومش محاولة لتصدر تريند او مشهد بل هو شعور وواجب إنساني واجب علينا كلنا و نية صادقة من القلب، ودعوة لأي حد يقدر يعمل حاجة، حتى لو بسيطة، المكان محتاجنا، والناس دي في أشد لحظة ضعف في حياتهم… وإحنا ممكن نكون سبب في قوتهم، ادعموا_بأفعالكم، اللي يقدر يساعد ينزل، كلنا إيد واحدة.
