هاني هاشم
علق عمرو محمود ياسين مؤلف مسلسل “وننسى اللي كان” على الجدل المثار بشأن تشابه أحداث العمل مع حياة النجمة ياسمين عبدالعزيز.
وكتب عمرو ، عبر حسابه الشخصي على إنستجرام: “بقرأ كتير بوستات وتعليقات عبيطة وبضحك من سذاجة المكتوب.. كلمتين هقولهم.. عمر ما حصل ولا هيحصل اني أكتب الدراما بتاعتي لخدمة أهداف محددة.. لا حصل ولا هيحصل ولا عمر ده اتطلب مني أصلا.. أنا بحترم مهنتي جدا وصوتي من دماغي”.
وأوضح عمرو: “أنا مؤلف بيحضر تصوير كل شوت في مسلسله عشان أضمن دايما إن النص بتاعي بيسير في الاتجاه اللي أنا مقتنع بيه.. وبقف على الكلمة والحرف وكل اللي اشتغلوا معايا عارفين الكلام ده.. يعني قصة أي مسلسل هى قراري واختياري.. عنوان المسلسل.. أسماء الشخصيات كل حرف وكلمة هو ملكي ومسؤوليتي، وفي نفس الوقت بيتم في إطار شغل جماعي وإحترام متبادل بيني وبين كل عناصر العمل”.
وتابع: “لكن أي تفصيلة تتشابه أو تتقاطع مع أي شخصية في الحياة فده أمر وارد .. لأن أي مؤلف في الدنيا ينهل من وعاء الحياة والمجتمع اللي عايش فيه”.
عمرو محمود ياسين، أضاف: ” كفاية افتراضات ساذجة.. والحمد لله اني بشتغل دايما مع فنانين ونجوم محترمين أقدر حجمهم وبيقدروا دوري وشغلي.. وأشوفكم قريبا في رمضان إن شاء الله”.
ومن المقرر أن تشهد الأحداث استعانة الفنان خالد سرحان بلجان إلكترونية لتشويه طليقته التي تجسد دورها الفنانة ياسمين عبدالعزيز.
