موقع اليوم جريده اليوم – جريدة اليوم
كشفت الفنانة راندا البحيري عن معاناتها الطويلة مع مرض بطانة الرحم المهاجرة، في منشور مؤثر نشرته عبر
حسابها الرسمي على موقع التواصل الاجتماعي “فيس بوك”.
واستهلت راندا البحيري حديثها برسالة دعم لكل مريضة تعاني من نفس المرض، قائلة: “إلى كل مريضة بطانة رحم مهاجرة، قلبي معاكي، حاسة بيكي، أنا عديت بكل اللي عديتي بيه، وإن شاء الله هنقل لكم تجربتي”.
وأضافت: “ده مرض أنا عمري ما أتمناه أقسم بالله لعدوي، ده لو كان عندي عدو. ولا عمري كنت أتخيل إن فيه حاجة أصعب من المرض الخبيث، لكن طلع فيه، لأن الـ behavior بتاعه فعلاً أصعب منه.. الحمد لله”.
وتحدثت راندا البحيري عن رحلتها مع الألم، قائلة: “أنا بعاني من المرض ده بقالي يمكن 7 سنين تقريباً، 7 سنين عايشة مع الألم، و7 سنين عايشة مع المسكنات والحقن والمستشفيات. كنت يومياً بعيط من الوجع، وكنت يومياً باخد من حقنة لـ 3 حقن، وأنام بقية اليوم”.
وأشارت إلى الضغوط التي واجهتها خلال فترة مرضها، موضحة أنها كانت مضطرة لمواصلة العمل وتحمل المسؤوليات رغم معاناتها، قائلة: “كنت بتحارب من أشخاص في نفس وقت مرضي، وكنت مضطرة أرد عليهم وأقف قصادهم بأي شكل، علشان بس الحياة لازم تكمل. كنت بصرف على بيتي وعلى بيوت تانية، وكنت مضطرة وأنا عيانة بمرض خطير إني أقف على رجلي وأشتغل”.
وتطرقت راندا البحيري إلى تأثير الأدوية على وزنها وتعرضها للتنمر، قائلة: “الأدوية اللي كنت باخدها تخنتني جامد فترة من الفترات، كنتوا كلكم بتتنمروا عليا، كنت باخد الكلام ده وأسكت وأقول الحمد لله، كل شتيمة وكل لجنة وكل كومنت سيئ هاخد من حسناته، وهيمسح من سيئاتي”.
وحرصت راندا البحيري على توجيه الشكر للأطباء المصريين والقطاع الطبي في مصر، وخصت بالشكر طبيبها المعالج الدكتور محمد نبيل فريد، أستاذ أمراض النساء والتوليد بكلية طب قصر العيني جامعة القاهرة، مؤكدة أنه أنقذ حياتها بعد أن رفض عدد من الأطباء استلام حالتها، ووقف بنفسه 11 ساعة في أكبر عملية أجرتها.
واختتمت راندا البحيري حديثها بالتأكيد على أن هدفها من كشف تجربتها هو دعم المريضات ومساندتهن، قائلة: “أنا مقولتش ده من باب إني أوريكم أنا مريت بإيه، لا والله. أنا بقوله لكل مريضة بطانة رحم مهاجرة: أنا زيك، شوفت اللي شوفتيه ويمكن أكتر، حاسة بيكي وبكل حاجة حصلتلك”.
