كتب – محمد العيسوي
كشف إمام عاشور، لاعب الفريق الأول لكرة القدم بالنادي الأهلي عن كواليس علاقته القوية بالمدير الفني السابق للفريق، مارسيل كولر، مشيرًا إلى أن المدرب السويسري كان دائم الدعم له منذ انضمامه إلى القلعة الحمراء.
وقال اللاعب خلال ظهوره الإعلامي مع إبراهيم فايق: “أنا بحب كولر على المستوى الشخصي من أول يوم ليا في النادي، كان بيتكلم عليا بشكل كويس وبيشجعني إني أنجح وسط المنظومة”.
وأضاف: “كنا دايمًا قريبين من بعض، وكان بينصحني كتير، بيطلب مني حاجات في الملعب، ولما أعملها بيتكلم معايا بإيجابية وبيقوليإنت ماشي معانا في السيستم”.
وواصل: “في ناس كتير في النادي كانت مستغربة إن علاقتي بيه قوية أوي، لكنها كانت دايمًا علاقة مبنية على احترام ونصايح بتساعدني أطور من نفسي”.
وعن الجانب النفسي في تعامل كولر معه، أوضح اللاعب: “لو قصّرت في تمرين، كان يجيبني ويقولي: إنت مكنتش مركز كويس.. اللي بيلعب مكانك مركز أكتر، وممكن متبقاش موجود في الماتش الجاي، وده كان بيفوّقني وبيخليني أرجع أقوى”..
واختتم: “أنا بيفرق معايا المعاملة النفسية جدا ولو المدرب عاملني كويس انا ممكن أعمل أي حاجة في الملعب واموت نفسي كمان”.
