فن
إيمي سمير غانم توجه نصيحة للجمهور بسبب فقدان والديها
حرصت النجمة إيمي سمير غانم، على توجيه نصيحة للجمهور بسبب فقدانها والديها سمير غانم ودلال عبد العزيز.
وكتبت إيمي، عبر حسابها على إنستجرام: “كل شوية أقول إمتى أشوفكم؟، بجد الفراق فعلا من أصعب الحاجات اللي بنحس بيها.. ربنا يصبر كل اللي حاسس بيا”.
وأوضحت إيمي سمير غانم: “بكون عايزة أحكي لهم، بشوف إيه في حياتي ومين مزعلني؟ ويشوفوا ابني.. تفاصيل كتير وطبعا الحياة لازم تستمر والكلام اللي انتوا عارفينه ده، ونشتغل ونربي أولادنا ونضحك ونعيش أيامنا بس التفكير فيهم مش بيهدأ”.
وأضافت إيمي: “نصيحة مني لكل ولد وبنت ربنا يخلي لكم باباكم ومامتكم تفضلوا تحت رجليهم كل يوم.. مش مهم الأصحاب مش مهم السفر مش مهم غير إنهم يكونوا هما وأولادكم كل يوم معاكم، وربنا يصبر كل الناس.. الفاتحة وربنا يغفر لهم ويجمعنا بيهم في الجنة”.