كشفت الفنانة سوزان نجم الدين، عن أمنياتها التي تتمناها بحياتها احتفالا بعيد ميلادها.
وكتبت سوزان نجم الدين، عبر حسابها الشخصي على موقع التواصل الاجتماعي إنستجرام: ” 24/11 من كل سنة.. بيمرق هذا التاريخ وبرجع فيه لأهم محطاتي.. وبتمرق سنيني قدامي بشريط ذكريات .. فيه الحلو وفيه المر..فيه الفرح وفيه الحزن”.
وتابعت: “بوقف قدامي.. بستعرض.. بعيش معاهم من جديد ..منتعاتب ومنتصالح ومنجدد الثقة.. لأني بكل الحالات والمواقف اللي مرّت.. تعلمت أكون أنا..حقيقية وصادقة .. مع حالي بالأول..وبعدين مع غيري”.
واستكملت: “بس هذه السنة التاريخ غير.. مميز وما بيتكرر.. عشان هيك اخترت الصورة اللي كان عمري فيها 24سنة وحبيت أشاركم فيا بيوم 24 من عام 2024 ليكون اشارة جديدة لشغف عم يتجدد على مدار الـ 24 ساعة إن شاء الله”.
استطردت: “ولأجدد العهد والوعد لهذه الصبية اللي بالصورة..و أقول: الله يقويني لضل عم أحافظ عليكي من جوه قبل بره.. الله يقويني لأحافظ على عيلتي الصغيرة والكبيرة..وعلى أصدقائي وأحبابي”.
وأضافت: “الله يقويني لأزرع بسمة وحب بكل خطوة عمبمشيا بطريقي.. الله يقويني لأكون مصدر سعادة لكتير، ناس بتحبني وأنا ببادلها الحب.. الله يقويني لأقدم أعمال أحلى وأحلى بالفن وبالحياة.. الله يقويني لأحققلك كل أحلامك وطموحاتك الصغيرة والكبيرة.. اللي دائما عم تلاحقني فيا بعصاية الحب والشغف اللي عمرو ما انطفى ولا هينطفى بإذن الله.. كوني بخير اللى أن نلتقي بإذن الله في يوم 24 من عام 2025 لنرجع نحكي بكلشي.. وبقولك من هون لوقت عيشي الحياة بالحب..لأنه مثل ما دايما بتآمني وبتقولي: “الحب حياة” .
