كتب- هاني هاشم
أعلنت سما المصري، نيتها حذف جميع حساباتها على تيك توك وإنستجرام وفيسبوك بعد ارتدائها الحجاب.
وقالت سما المصري، بفيديو نشرته عبر حسابها على فيسبوك: “أنا تعبانة ادعولي اطلع من اللي أنا فيه، أنا في صراع نفسي، شيلوا كل صوري وأنا عريانة، وبشعري .. أنا خلاص ربنا تاب عليا ولبست الحجاب، ساعدوني والنبي، عشان الناس الوحشة تبعد عني”.
وتابعت: “أنا مش هطلع لايف على تيك توك ولا أي حتة تاني، أنا لبست الحجاب خلاص، أنا تعبانة وشيطاني غالبني، هولع في نفسي شيلوا صوري وأنا عريانة، استروا عليا ربنا يخليكوا، اللي عنده فيديو وحش ليا يشيله، انا مش عارفة أعيش، والشيطان كل ما يجيي اللي يركبني وكل يوم أقول هتوب وأرجع تاني، أنا خلاص مش هبين شعري وجسمي تاني”.
وأضافت سما المصري: “نفسي اكسب بالحلال، ويا رب ارزقني رزق حلال، حاسة اللي أنا بعمله حرام، شيلوا صوري بالفساتين الصغيرة، وأي حد عنده شغل حلال يقولي، ساعدوني”.
