موقع اليوم جريده اليوم – جريدة اليوم
كتبت- مرثا مرجان
كشف الإعلامي محمود سعد عن آخر تطورات الحالة الصحية للفنانة أنغام بعد ما أثير عن تأخر حالتها الصحية.
وكتب سعد عبر صفحته الرسمية على موقع فيسبوك:«محبي أنغام الكتير قوي.. قوي قوي هاقولكم أحدث الأخبار مساء السبت من ميونخ، كنت منتظر نتائج التحاليل زي ما قلتلكم في آخر خبر كتبته عن أنغام».
وتابع: «الحمد لله الأرقام تقترب جدا من الأرقام الطبيعية ونصح الأطباء أنغام بالمشي خارج غرفتها وهي الحمد لله بتأكل بشكل طبيعي».
وأوضح: «الكلام عن وجود خراج على البنكرياس غير صحيح إطلاقا ولم يحدث أي خطأ طبي في العملية والمضاعفات اللي حصلت هي المضاعفات اللي ممكن تحصل في النوع ده من الجراحات الكبيرة والخطيرة».
واستكمل: « وزي ما قلتلكم هي اختارت المستشفى دي لأنها متخصصة في الجراحات الخاصة بالبنكرياس، كمان أنغام لم تخضع لـ 3 عمليات جراحية زي ما أشيع».
واختتم: «وأخيرا بالنسبة للألم الحمد لله دلوقتي في تراجع، عايز أقولكم أن المحنة اللي مرت بيها أنغام كشفت عن حالة حب حقيقية في منتهى القوة والصدق وهي تستحق ده».
أنا أعرف أنغام من سنين طويلة وعارف هي تعبت وشقيت قد ايه علشان توصل للي هي فيه، فحبكم الصادق جدا هو لفنانة صادقة جدا وتستحقه، دعواتكم بقى علشان تقوم بالسلامة وتعبر رحلة الألم والحب».
تمكث أنغام في إحدى مستشفيات ألمانيا بعد خضوعها لجراحة دقيقة لاستئصال أكياس على البنكرياس.
