موقع اليوم جريده اليوم – جريدة اليوم
كتبت- مرثا مرجان
وصلت منذ قليل الفنانة بدرية طلبة إلى مقر نقابة المهن التمثيلية، للخضوع للتحقيق حسب قرار النقابة.
وقررت النقابة خضوع بدرية للتحقيق بعد ظهورها في لايف عبر حسابها على مواقع التواصل، تجاوزت فيه في حق الجمهور.
ووصل الأمر إلى استخدامها ألفاظ غير لائقة الأمر الذي استدعى تحويلها للتحقيق، وقدمت بدرية اعتذارًا للجمهور بعد إحالتها للتحقيق من قبل نقابة.
وكتبت عبر حسابها على فيسبوك: «اعتذار واجب لجمهوري المحترم اللي بيحبني وأنا تحت أمر نقابتي لأن أنا فعلا غلطانة أني انساق ورا كتائب إلكترونية مأجورة لا يمثلو الشعب المصري».
وتابعت: «اديتهم فرصة يستغلو فيديوهات ويختزلوا منها ويستخدموها ضدي لعمل فجوة بيني وبين جمهور محترم حتي أما حبيت أعتذر للجمهور اللي بيحبني قدمت اعتذار بعصبية لأنهم بردو دخلو استفزونى وانسقت تاني وراهم ودى غلطتي».
واستكملت: «كان لازم اكون اهدأ من كدا واكيد اللي بيحبوني هيلتسموا لي العذر بكرر أسفي واعتذاري للجمهور اللي كان سبب في وجودى ولا يمكن اغلط في ناس بتحبني وهما سبب في اللي أنا فيه».
وطلبت من الجمهور: «ومن فضلكم متصدقوش اللي شفتوه لأن الفيديوهات كاملة موجودة علي صفحتى والحمدلله أن هيتم تحقيق في نقابتي اقدر أثبت فيه كلامى بعيدا عن أي توتر واستفزاز من حد وكل التقدير والحب والأحترام لجمهوري الحبيب».
