“حافظة القرآن الكريم كله”.. أبرز تصريحات الفنانة بدرية طلبة مع ياسمين عز

كتب- هاني هاشم

حلت الفنانة بدرية طلبة، أمس الخميس، ضيفة ببرنامج “كلام الناس” الذي تقدمه الإعلامية ياسمين عز ويذاع على قناة “إم بي سي مصر”.

ونستعرض لكم ابرز التصريحات التي ادلت بها بدرية طلبة بالبرنامج في السطور التالية:

– اشتغلت مدرسة فصل في جميع المواد لحد الصف الثالث الإبتدائي.

– حافظة القرآن كله على مدار الخمس سنين الأولى في التعليم الابتدائي.

– عن أزمتها مع السوشيال ميديا، قالت: “أنا لما طلعت عشان أفهم الناس طلع حد تاني استفزني، وكنت واخدة مهديء، واللي حصل علمني إن اللي بيهوهو محدش هيرد عليه، وأنا همشي بالمبدأ ده، وطالما أنت داخل صفحتي تشتمني يبقى متكاد مني، وكنت مفكرة إن فيا حاجة غلط، ولقيت اني زي الفل وفرحانة أوي”.

– ولادي كانوا زعلانين، قولتلهم بقولكوا إيه، بعيد عن الشرف والسمعة.. فأنا ميه ميه، أنا بدرية طلبة زي ما أنا.. انتوا زعلانين ليه، يقولوا اللي يقولوه، إيه المشكلة كومبارس ولا خدامة ولا شبع بعد جوع.. معاك يا فندم تحت أمرك، إنما سمعتي وشرفي فلة، ومحدش نزلي صورة وأنا عريانة، ومهنة الكومبارس طبعا مهنة شريفة، ومقامي محفوظ في شغلانتي والكلام ده عمره ما هيأثر فيا”.

– رأيها في موقف المقابة من أزمتها وأزمة وفاء عامر، قالت: “وفاء عامر مردش عشان النقابة طلعت قالت أنا متضامنة مع وفاء عامر.. إنما أنا محدش تضامن معايا وكنت بطولي في وسط ناس بيتهموني بقتل جوزي”.

– “لازم يكون فيه فريق دفاع عن الفنانين من النقابة، آه عندنا المحامين بتوعنا، ولكن لازم يكون فيه رد على السوشيال ميديا للاهانة اللي بنتعرض لها”.

– “اتهموني اني قتلت جوزي وخدت أعضائه.. هي دي تهم عادية، أنا عندي أحفادي أطفال وبتسأل ، هرد أقولهم ايه، هقعد أشرح لهم”.