موقع اليوم جريده اليوم – جريدة اليوم
وجه الناقد السينمائي حسين إسماعيل رسالة دعم مليئة بالمحبة والامتنان للفنانة شيماء سيف، نشرها عبر حسابه على موقع التواصل الاجتماعي “فيسبوك”، تعبيراً عن تقديره لموقفها الداعم له في بداية مسيرته.
وجاء في نص الرسالة: “إلي العزيزة علي قلبي شيماء سيف.. إنتِ تخينة أو رفيعة، طويلة أو قصيرة، بيضاء أو سمراء.. أنا والناس بنحبك في كل حالاتك، وبنحبك زي ما إنتِ، ومش مطلوب منك تكوني أي حاجة غير نفسك علشان تكوني جميلة في عين اللي بيحبوكي”.
وأضاف: “وعايز أقولك إن فيه حاجات في حياتنا ممكن ننساها، لكن عمري ما هنسى إنك كنتِ أول إنسانة آمنت باللي بقدمه، وإنك منحتيني فرصة الظهور معاكي في برنامج (نفسنة). يمكن إنتِ متعرفيش قد إيه الموقف ده كان مهم بالنسبة لي، وقد إيه فضلت شايله جوايا بكل تقدير وامتنان”.
وتابع قائلاً: “إنتِ من أجمل القلوب اللي قابلتها في حياتي، إن لم تكوني أجملها على الإطلاق، دايما شوفي نفسك بعين اللي بيحبوكي، واللي ضايقك لازم يعرف إن جمال الإنسان أكبر بكتير من شكله أو وزنه، وإن مفيش تعليق سخيف أو كلمة جارحة ممكن تقلل من قيمتك أو من جمال روحك”.
واختتم رسالته: “خليكي زي ما إنتِ، بضحكتك وروحك وجدعنتك وقلبك الجميل، ومتسمحيش لحد أبدًا إنه يسرق منك فرحتك بنفسك. كل المحبة والتقدير والامتنان ليكي، وهتفضلي دايمًا واحدة من الناس اللي ليهم مكانة جميلة وخاصة في ذاكرتي”.
وتعكس كلمات حسين إسماعيل قيمة الوفاء والدعم الحقيقي، حيث ثمن الموقف الذي جمع بينهما في برنامج “نفسنة”، مؤكداً أن شيماء سيف كانت أول من آمن بموهبته ومنحته فرصة الظهور، وهو ما ترك أثراً كبيراً في مسيرته المهنية.
