هاني هاشم
أثار المطرب رضا البحراوي، الجدل خلال الساعات الماضية بشأن اعتزاله الغناء، وكتب رضا البحراوي عبر حسابه على فيسبوك: “إن شاء الله.. هعلن اعتزالي”.
وفي تصريحات سابقة، أوضح رضا البحراوي: “الحمد لله والفضل والشكر لله وحده الذي أنعم علينا بسلامة الصدر ونقاء السريرة فوالله ما اذيت احدا ولا سعيت في ضرر انسان والحمد لله الذي جعل قلبي عامرا بالخير”.
وتابع: “أنا حابب أوضح للناس كلها ان أخويا وحبيبي محمود الليثي واخويا حمادة الاسمر ابو ماسة ما فيش بينا اي عداوة احنا كلنا اخوات وكلنا راجل واحد ومحبتي لكل الناس في المجال وخارج المجال معروفة”.
واستكمل: “أنا طول عمري بقف جنب الكل وبحب الخير لكل الناس ولا عمري حقدت على حد ولا بصيت لحد والحمد لله أنا ماشي وربنا هو اللي ساندني وبوجه كلامي لكل زمايلي في المجال احنا كلنا اخوات لازم نحب الخير لبعض ونفرح لنجاح بعض لان الدنيا فانية والسيرة الطيبة هي اللي باقية
وخلوني أوضح ان كلامي ده نابع من ثقتي بنفسي ومن اصلي مش خوف من حد فالقوة من الله وحده”.
وأضاف: “وفي الختام بوجه رسالة للاستاذ طارق عبد الستار وبقوله معلش يا حبيبي المسامح كريم وانا عارف انك خايف عليا وزعلان عشاني ومقدر جدا خوفك ده ومحبتك ليا وبقولك احنا كلنا اخوات وما فيش عداوة بينا والقلوب الصافية هي اللي بتبني وكل تقديري واحترامي ليك..اخواتي وحبايب قلبي بحبكم في الله.. أخوكم رضا البحراوي”.
