موقع اليوم جريده اليوم – جريدة اليوم
كتب- أحمد صلاح
تحدث محمود عبد الرازق شيكابالا، لاعب الزمالك السابق، في تصريحات تليفزيونية، عن رأيه في مدير الكرة الحالي عبد الناصر محمد، ورحيل زيزو عن الفريق.
وقال شيكابالا: «إن مدير الكرة الحالي كابتن عبد الناصر محمد، شخص محبوب ومش شرط يكون المتواجد في المنصب من أولاد النادي».
وأكد: «التعاقد مع المهدي سليمان خطأ، عشان عندك ثنائي في مركز حراسة المرمى جيدين، وطالما الزمالك بيكسب محمد صبحي هيفضل أساسي».
وأكد: «مينفعش نكرر نفس غلطة زيزو مع حسام عبد المجيد، كان لازم زيزو يمشي ويتباع بمبلغ محترم حتى لو هيرجع على الأهلي بس أكون استفدت منه.. وجلست أنا وعبد الشافي مع حسين لبيب وقلنا له لازم نبيع زيزو والنادي يستفاد من المبلغ اللي هيدفع فيه.. وجوميز قال للإدارة بيعوا زيزو ومش عايز حد مكانه».
وتابع: «لو الزمالك فنش تاني الموسم ده في الدوري هكون مبسوط؛ لأنك بتبني فريق للمواسم المقبلة، عشان نرجع نلعب دوري أبطال ونحصد الألقاب».
وأكد: «لا أتدخل في تجديد أي لاعب؛ إلا إذا طلبت أخذ رأيي، وكنت أُحارَب من بعض المتواجدين في نادي الزمالك؛ وكنت سعيدًا بوقوف الجماهير خلفي».
