موقع اليوم جريده اليوم – جريدة اليوم
كشف الفنان صبري عبدالمنعم عن واقعتين روحانيتين غيرتا مجرى حياته، خلال استضافته ببرنامج “كلام ستات” مع الإعلامية ياسمين عز.
حلمك هيتحقق
قال صبري: “والدي دخلني ثانوي فني علشان يبعدني عن التعليم والتمثيل. قضيت 3 سنين، وبعدها كان صعب أدخل المعهد العالي للفنون المسرحية لأن لازم مجموع عالي. في سنة 67 نمت وأنا متضايق، فجأة الحيطة اللي قدامي انشقت وظهرت السيدة مريم شايلة شمعة وضحكت ضحكة جميلة وقالتلي: اطمن حلمك هيتحقق”.
*الرؤية الثانية: 1988.. رسالة علاج من فرنسا*
وأضاف: “سنة 1988 كنت في أمريكا مع الراحل سمير غانم بنعمل مسرحية `فارس وبني خيبان`. وعيني كانت وصلت لمرحلة صعبة جداً، جالي فيروس نادر والدكاترة احتاروا. وأنا نايم حضرتها جاتلي وقالتلي: صبري انت مش هتروق إلا لو روحت لدكتور في جنوب فرنسا”.
وتابع: “تاني يوم ماشي في وسط البلد لقيت السفارة الفرنسية، والباسبور معايا، وأخدت التأشيرة مجاناً وفي الوقت اللي أنا عايزه. كان ليا خالي هناك، وحصلت مشاكل في السفر بس في الآخر روحت. خالي وداني للدكتور اللي قالتلي عليه السيدة مريم، وطلع موجود فعلاً وعالجني. وقتها اكتشفوا نوع نادر من الفيروسات في عيني، وبعد العلاج النوبات قلت كتير. الغريب إن الصور اللي اتصورتها في البلد دي كانت كلها طالعة ظل أبيض وأسود”.
واختتم: “في كل مرة كانت بتطبطب عليا وبتضحك كأنها بتطمني إنها معايا”.
