موقع اليوم جريده اليوم – جريدة اليوم
كشف الفنان الصاعد منذر مهران كواليس تصوير مشهد مقتله في حكاية “لعبة جهنم” من مسلسل “القصة الكاملة”، مؤكداً أنه بذل مجهوداً كبيراً لتقديمه بشكل واقعي.
وقال منذر خلال لقائه مع برنامج “ET بالعربي”: “مشهد الخنق ده كان صعب جداً. طلعت فيه كل طاقتي، كنت بكتم نفسي لحد ما بعرق من جنبي”.
وأضاف: “المخرج إسلام خيري زعقلي وقالي: أنت بتكتم نفسك كده هتموت، وبتجيب العرق ده منين؟ فقلت له متقلقش أنا عايز أطلع المشهد صح”.
*تحضير شخصية “حسن”
وتحدث منذر عن استعداده للدور قائلاً: “دخلت جوه الشخصية كويس. قريت السيناريو كذا مرة وبحثت عن تفاصيل الجريمة. كان لازم أظهر الطيبة الزايدة اللي في حسن، وده السبب اللي خلى الناس تحبني وتتأثر بموتي”.
*نجاح غير متوقع
وأشار إلى رد الفعل الجماهيري قائلاً: “الدور ده كان غريب عليا وعمري ما مثلته. النجاح كان غير طبيعي وماكنتش متخيله. شخصية حسن خلت ناس كتير تعيط”.
واختتم: “أنا بحب التمثيل وبستمتع وأنا بصور. بدي كل مجهودي في المشهد لحد ما أتعب، ومبحبش أطلع نص نص”.
