كتبت- مرثا مرجان
أعلن الفنان كريم عبد العزيز وقوع الطلاق رسميا من أم بناته آن الرفاعي، بعد أيام من تداول أخبار ال خلافات الأسرية.
وكتب كريم عبر خاصية ستوري حسابه الرسمي على فيسبوك: «الطلاق شرع ربنا، أكن لأم بناتي كل الاحترام والتقدير، مهما حصل هتفضل أم بناتي وأنا أبوهم.
وأوضح: «حاولنا سنين كتير إن الحياة تستمر وفشلنا، وده مش معناه أبدا إن فيه حد فينا يعيبه شئ، لكن فيه علاقات كتير بتنتهي لأن ربنا كاتبلها كده، وبتنتهي بكل ود وحب واحترام متبادل بين الطرفين.»
وتابع: «أكيد ماكنتش أحب أوصل للحل ده لكن دي إرادة ربنا، ومفيش أي شخص جت سيرته مؤخراً، كان له دخل بالمشاكل دي تماماً لا من قريب ولا من بعيد.»
واختتم: «البيوت أسرار، وما كنتش أفضل تماماً أتكلم عن حياتي الشخصية إحتراماً لكل الأطراف، لكن تقديراً للجمهور اللي يهمه أمري وجب التوضيح.»
