موقع اليوم جريده اليوم – جريدة اليوم
دافعت الفنانة رورو حجازي عن موقف الكاتبة عفاف مصطفى بعد مطالبتها بالتدخل لحل أزمة الفنان محمد سلام، وذلك عبر منشور مطول على حسابها الشخصي فيسبوك.
وقالت رورو حجازي: “الناس نازلين فيها كلام وإزاي تستجدي تركي ومين هو ده وانبطاح.. ما تخلونا نكون واقعيين وواضحين وعارفين إن دي صناعة ورأس المال هو اللي بيتحكم فعلاً”.
وأضافت: “فيا يكون سلام قد موقفه ويبطل تمثيل، يا نراضي المستشار بقى لو عايزين سلام يمثل. لكل كلام المانشيتات والكلام الحلو بتاع إحنا المصريين محدش يقدر يعمل ويعمل هو مين ده؟ كونوا واقعيين.. آه هو قادر وقعده في البيت”.
وتابعت: “أنا قولت حلين يا حد يتوسط ويحل أزمته، يا يبقى قد موقفه ويدفع تمنه، لكن إننا ندفن راسنا في الرمل ونقول لأ ميقدرش مفيش الكلام ده وهو قادر.. وكله خايف يشغل سلام ضد رغبته”.
وأوضحت: “فنكون موضوعيين يا حد يتوسط عند اللي قعده في البيت ونكون صرحاء مع نفسنا يا سلام يقعد في البيت وننساه، لكن خليني أقول ط.ز فيه ومفيش الكلام ده وده شوال وميقدرش علينا هل المشكلة كده اتحلت؟”.
وأشارت إلى أن الأزمة أعمق من شخص، قائلة: “الموضوع مش في تركي، ليه محدش قادر يعترف إن المنتجين مكسبهم حالياً مش من السينمات قد ما هو من بيع المنتج للقنوات، مجموعة شاهد مثلاً.. ليه مبتقاطعوهاش طيب؟ ليه مختزلين الموضوع في شخص ومتجاهلين إن وراه منظومة كاملة متحكمة حالياً في الصناعة فعلاً”.
واختتمت حديثها قائلة: “نفس قصة بهاء سلطان ونصر محروس، لولا وساطة أستاذة إسعاد يونس مكنش رجع، أخيراً شكراً أستاذة عفاف مصطفى إنك شجاعة وقبل ما تكوني شجاعة انتي واقعية مش مدعية وفعلاً عاوزة تحلي مشكلة زميل”.
