تحدث الفنان ومؤدي المهرجانات كزبرة، عن مشواره الفني، مؤكدا أنه كان يحلم بالظهور في مشهد بفيلم وأصبح حاليا لديه فيلمين من أعلى الإيرادات.
وكتب كزبرة،عبر حسابه الشخصي على موقع التواصل الاجتماعي إنستجرام، وعلق قائلا: ألف حمد وشكر ليك يارب على نعمك الكلام ده من قلبي.
وقال كزبرة: الواحد كان حلمه يظهر في مشهد واحد في فيلم دلوقتي الحمد لله بقي عندي فيلمين في سنة واحدة من أعلى ايرادات السينما المصرية والبطل الحقيقي للفيلم ده مش أنا ولا أي حد البطل الحقيقي هو الجمهور هو اللي دعم شباب جديدة محدش يعرفهم واديتونا فرصة وخلتونا ننافس على القمة.
وتابع كزبرة: شكرا ليكم بجد وشكرا لكل الرسايل اللي بتجيلي على الفيلم والله كلامكم ده فوق دماغي، وأخيرا شكرا لكل حد اشتغل على الفيلم ده من قلبه.
وأضاف: أوعدكم طول ماليا اخوات في ضهري بتدعمني اوعدكم أفلامي الجاية هتبقى كلها مختلفة وحقيقية واستنوا الجديد يا أحلى اخوات.
