حرصت الفنانة نشوى مصطفى، على توجيه رسالة خاصة لزوجها الراحل ترثيه فيها بكلمان حزينة.
وكتبت نشوى مصطفى، عبر حسابها الشخصي على موقع التواصل الاجتماعي إنستجرام:
“الله يرحمك ويسعدك ويراضيك يا نور عينيا، عارف يا عماد إمبارح أخويا بيقولي انتي كنتي مهمومة وبتراعي وواخدة بالك مننا كلنا، وأبيه عماد هو الوحيد اللي كان مهموم وواخد باله منك وبيراعيكي ومهتم بيكي .. يا عماد أنت كنت رزقي الكبير ورزقي انقطع، أنت كنت سندي وضهري وستري، أنت كنت اطمئنان قلبي، أنت كنت سري، كنت بجرى عليك أشتكي لك وتصبرني، اسألك وتفهمني”.
وأوضحت نشوى مصطفى في رسالتها: “كنت أبويا ودلوقتى أنا اتيتمت.. مش هكذب عليك أنا بمثل إني عايشة، قلبي مغروس فيه خنجر وروحي مصلوبة فوق محرقة، نار فراقك بتزيد كل ما الوقت بيعدي مش بتقل، خدعتني ومشيت بسرعة.. بينا كلام لسه مخلصش.. بينا أحلام لولادنا وأحفادنا لسه ما اتحققتش”.
وأضافت نشوى مصطفى: “أنت موجود قدام عينيا طول الوقت وصوتك في وداني..ادعيلي يا حبيبي، يا رب امتى اللقا..اللي بيحب ربنا يدعي لحبيبي بالرحمة ويدعيلي بالصبر ويدعي لولادي بالصبر والثبات”.
