كشفت الفنانة بدرية طلبة عن تفاصيل جديدة حول كواليس وفاة زوجها، مشيرة إلى الدعم الكبير الذي قدمته لها النجمة ياسمين عبد العزيز خلال تلك الأزمة. وأوضحت خلال لقائها في برنامج “أسرار” مع الإعلامية أميرة بدر على قناة النهار قائلة:
“ياسمين فضلت معايا على الشات بعد وفاة جوزي وأنا في فرنسا، وكانت عايزة تبعت لي طيارة خاصة عشان أرجع وأدفنه بنفسى.. كانت واقفة جنبي، ومش كل حاجة ينفع تتحكي.”
وأكدت بدرية أن ياسمين عبد العزيز جاءت لتعزيتها في منزلها بعد عودتها من السفر، وكانت في حالة صدمة من الخبر، مضيفة:
“كانت مصدومة.. لأنها قبلها بيوم كانت بتكلمني، ومكنش في أي حاجة، وفجأة شافت الخبر على السوشيال ميديا.. كانت بتجري في إجراءات الطيارة، وأنا اللي كنت بهديها، كانت هتتجنن عليا وتعيط قبلي على جوزي.”
وأشادت بدرية بشخصية ياسمين، مؤكدة أنها دائمًا ما تقف بجانب من تحب، قائلة:
“ياسمين مش محتاجة تثبت إنها حنينة.. هي كده طول الوقت، في ناس حاولوا يوقعوا بيننا، لكن إحنا بينا كيمياء حلوة.. وأنا ماضية معاها مسرحية في السعودية، وهي ليها ناس بتحبهم جدًا، زيي أنا وإيمان السيد وحسن عبد الفتاح، وده شيء طبيعي.”
