وجه الفنان تامر حسني الشكر للجمهور، بعد تعرض نجله آدم لوعكة صحية استدعت خضوعه لعملية جراحية.
وكتب تامر عبر صفحته الرسمية على موقع فيسبوك:”أنا مش عارف أشكركم إزاي على كمّ الدعوات اللي دعوتوها لربنا لشفاء آدم ابني اللي جاتلي منكم هنا وعلى تليفوني وتليفونات كل المحيطين بيا هو عمل عمليتين كبار بسبب انفجار الزايدة المفاجئ، اللي كانت أعراضه سخونة عادية بس”.
وحذر المتابعين؛”وبقولكم كده عشان تبقوا حريصين مع نفسكم أكتر ولولادكم، ومش كل سخونة تقولوا ده شوية برد”.
واستكمل:”وخلاص لا روحوا اكشفوا كويس واعملوا سونار على البطن و الزايدة مرة و٢ عشان برضو ساعات مش بيبان ولازم الدكتور يضغط بطريقة معيّنة، تقريباً أقوى شوية عشان يعرف لإني سمعت كتير اليومين دول إن الزايدة خادعة.
اطمنوا كذا مرة قبل لحظة انفجارها عشان بجد مشاكل بتحصل بعدها كبيرة و محزنة أوي، وحبيبي آدم عمل عمليتين صعبين أوي عليه وبدعواتكم مستنيين النتايج تكون خير يارب و يعدي مرحلة الخطر
ودعى لابنه: يارب، بحق “كن فيكون”، اشفيه وعافيه، هو و كل ولادنا بس هو راجل وهيتحمل وإن شاء الله ربنا يكرمه ويعافيه ويحفظه هو وأخواته و يحفظ كل ولادكم يارب”.
عانى نجل تامر من وعكة صحية منذ أسابيع وأعلنت والدته عبر حسابها على موقع فيسبوك نقله للمستشفى.
