كتبت خلود سعودي
بالزغاريد والطبل هكذا أعرب طلاب الثانوية العامة بمحافظة الشرقية عن فرحتهم بانتهاء الامتحانات وسط حضور أولياء الأمور الذين استقبلوا أبنائهم بالورود تقديرا لمجهودهم طيلة فترة الدراسة.
وقالت إحدى الطالبات لليوم” النهاردة أحلى يوم في حياتي علشان خلصت امتحانات وراضية بأي نتيجة لأني تعبت وواثقة إن ربنا هيكرمني، ونفسي أجيب مجموع عالي علشان أدخل كلية طب وأفرح أهلي علشان تعبوا معايا ويستاهلوا كل حاجة حلوة”.
وأضافت طالبة أخرى” أيام الامتحانات كلها ضغط وتوتر وكان في امتحانات صعبة كتير بس إن شاء الله ربنا هيكرمنا وهنحقق كل أحلامنا”.
وتابع أحد أولياء الأمور” فخور ببنتي لأنها ذاكرت وتعبت وبذلت كل طاقتها وواثق إنها هتجيب مجموع عالي لأنها مجتهدة وربنا بينصر كل طالب اجتهد وتعب، النهاردة استقبلتها ببوكيه ورد علشان أفرحها وأنسيها التوتر والقلق، وربنا يفرح كل الطلاب ويجبر بخاطرهم يارب”.
بعد الانتهاء من أداء امتحانات الثانوية العامة ينتظر الأهالي نتيجة أبنائهم بمشاعر مليئة بالخوف والتوتر، واثقين بأن الله عز وجل سيعوض تعبهم بالخير والفرحة.
