كرَم النادي الأهلي، أمس الاثنين، المدرب السويسري، مارسيل كولر، المدير الفني للفريق الأول لكرة القدم السابق، داخل مقر النادي بالجزيرة، ليتساءل البعض، هل انتهت أزمة الشرط الجزائي؟
شوبير يتحدث في برنامجه الإذاعي
تحدث الإعلامي أحمد شوبير، في برنامجه الإذاعي، عبر إذاعة أون سبورت، اليوم الثلاثاء، عن أزمة الشرط الجزائي للسويسري مارسيل كولر، المدير الفني السابق للفريق الأول لكرة القدم بالنادي الأهلي.
وقال شوبير: «مش معنى تكريم الأهلي لكولر، إن قصة الأزمة بتاعة الفلوس الخاصة بالشرط الجزائي انتهت، لا دي لسه هتبتدي، ودي حاجة متزعلش».
وأضاف: «أن أمير توفيق نفى إن هو اللي مضى العقود وإن دي مش مسؤوليته دي مسؤولية ناس تانية».
وتابع: «مارسيل كولر لو كان أنهى الموسم مع النادي الأهلي اللي هما الشهرين المتبقيين في الوسم الحالي بما فيهم كأس العالم، الأهلي كان ممكن يمشيه من غير ميدفع ولا مليم».
وأكد: «كولر ما دام مشي دلوقتي يبقى يستحق قيمة عقد الموسم الجديد بالكامل، وده اللي عايزه كولر، بأخذ حق عقده بالكامل».
واختتم: «البعض بيقول إن لو كولر جاله عقد يبقى الأهلي ميدفعلوش حاجة، وده تصور خاطئ، ما دام الأهلي هو اللي فسخ العقد يحق لكولر يشتغل في أي وقت معندوش مشكلة في ذلك».
