أجرى إمام عاشور، صانع ألعاب الفريق الأول لكرة القدم بنادي الأهلي، جراحة ناجحة في الكتف، فى إحدى مستشفيات مدينة ميامي الأمريكية.
وكان عاشور، قد تعرض للإصابة بكسر فى عظمة الترقوة خلال مباراة الأهلي وإنتر ميامي الأمريكى فى افتتاح كأس العالم للأندية.
ونشر عاشور عبر حسابه الرسمي على إنستجرام: “ما قدر الله لك فهو آت إليك، وما لم يقدره لك فلن يصيبك.. الحمد الله على كل شيء”.
وأضاف: “الإصابة كانت صعبة وجت في أول لحظات ليا في البطولة، وده قدر ربنا ولازم ترضى بيه، كان نفسي أكون موجود وأقاتل مع إخواتي في الملعب، بس دا نصيبي، ودلوقتي داخل أعمل العملية، وإن شاء الله أرجع أقوى”.
وتابع عاشور: “الإحساس اللي جوايا دلوقتي مش سهل بس اللي مخليني ثابت هو إيماني بدعمكم ودعواتكم.. المرحلة دى محتاجة منكم تبقوا ورا كل لاعب في الفريق، سواء قديم أو جديد كلهم بيلعبوا بقلبهم وبيحبوا النادي وبيخافوا عليه”.
واختتم: “صدقوني دعمكم بيفرق جداً واللاعيبة مستنياكم زي ما دايماً واقفين في ضهرنا”.
