كتب: الحسين أمير
تعيش أربع أسر مأساة إنسانية مؤلمة منذ 11 يومًا، بعد أن تعرض منزلهم لانهيار جزئي وسقوط سقفه، مما أجبرهم على المبيت في الشارع، وسط ظروف قاسية ومعاناة متزايدة في غياب أي تدخل رسمي لحل أزمتهم.
“السقف وقع واحنا جوه، ومن ساعتها واحنا في الشارع”.. بهذه الكلمات عبّر “محمد”، أحد المتضررين، عن حجم المعاناة التي يواجهها هو وأسرته. يقول بحرقة: “أنا وديت عيالي عند ستهم، مش قادر أشوفهم نايمين في الشارع، وقاعد هنا جنب العفش، مش قادر أروح حتى شغلي، مش عارف أعمل إيه”.
ويضيف: “معانا راجل مريض ماعندوش حد، والموظف اللي جه من الحي قالنا خليكم زي ما أنتم، لو البيت وقع مش هيبقى فيه وفيات، بس إصابات خفيفة!.. يعني لازم نستنى نموت علشان حد يتحرك؟”.
أوضاع مأساوية يعيشها المتضررون، حيث لا يجدون طعامًا أو شرابًا، ويقضون ساعات النهار تحت الشمس، ثم يدخلون إلى منزلهم المتهالك ليلًا متحملين الخطر، ويعلق محمد: “كل يوم بندخل ننام وإحنا مش عارفين هنصحى تاني ولا لأ”.
“مش عارفين نصرف ولا نشوف شغلنا.. عايزين نعيش زى الناس”، هكذا يختصر الأهالي معاناتهم، مطالبين بتدخل عاجل من المسؤولين لتوفير سكن بديل أو دعم إنساني يخرجهم من أزمتهم.
نداء مفتوح يوجهه الأهالي للجهات المعنية: “بنتمنى إن حد يسمع صوتنا، إحنا بشر، وحقنا نعيش في أمان، مش نفضل في الشارع مستنيين الموت.. كفاية اللي إحنا فيه”.
https://www.facebook.com/share/v/1AqEAjzoib/
