عادت أزمة الفنانة شيرين عبد الوهاب وحسام حبيب من جديد، بعد بث تسجيل صوتي يحمل استغاثة شيرين من تهديدات حسام وطلبت من الجمهور أن يساندها من جديد وهذه تفاصيل الأزمة الجديدة القديمة.
تسجيل شيرين عبد الوهاب
كشفت شيرين عبد الوهاب في التسجيل الصوتي أنها تتعرض وابنتيها للتهديد من قبل حسام حبيب، الأمر الذي يجعلها ترضخ لتهديده وتحول له أموال كان آخرها 10 مليون جنيه.
وأضافت شيرين عبد الوهاب: ” ساعدوني أنا مليش حد غير الجمهور والدولة وكل ما أحاول اتعالج يهددني وحولت له 10 مليون جنيه، أنا بربي بنات في سن المراهقة ودايما يقول كلام والفاظ صعبة وكل ما أحاول اتعالج وأكون عند الدكتور يهددني”.
وتابعت: “خزنتي موجودة في شقة بالتجمع الخامس، اتكسرت وخد منها أوراق تخص شركة روتانا ولقيت نص ذهبي اتسرق”.
حسام حبيب: لو شيرين بتدلعني بـ10 مليون إزاي هموتها
ليرد حسام في تصريحات تلفزيونية: “كل اللي قالته شيرين كذب واتهامات يحاسب عليها القانون، الورقة اللي شيرين بتقول بيها إنها حولت ليا مبلغ مالي، مكتوب فيه غرض التحويل لزوج، فأول حاجة كدا هو أنا زوجها، ثانيا حتى لو كنت الزوج وهي بتدلعني بالمبلغ دا إزاي تخرج تقول أني عايز أموتها، يا هي بتكدب لما قالت إننا اطلقنا يا هي بتكدب على البنك وقالت إني زوجها وحولتلي”.
وتابع حسام حبيب: “شيرين عبد الوهاب دمها بقى تقيل والمرة دي بجد هحبسها، وهي خرجت النهاردة وقالت الكلام دا لأنها عمال تتصل بيا لحد إمبارح بليل عشان نرجع لبعض، وأنا مبردش عليها، عشان أنا رافض نرجع تاني بعد كل اللي حصل آخر مرة لما الأمر وصل للنيابة والحوار كبر، وفي الآخر عشان أنا زهقت عملتلها بلوك”.
شقيق شيرين عبد الوهاب يعلق
ليعلق محمد عبد الوهاب شقيق شيرين، عبر صفحته في موقع فيسبوك، بمنشور كتب فيه:”يا شيخة والله ربنا ياخدنا بقى عشان نرتاح من القرف ده، كفايه بقى أقسم بالله قرفنا والناس قرفت واشمئزيت منكم”.
وكانت قد تعرضت شيرين للضرب المبرح واتهمت حسام حبيب في محاضر رسمية انتهت بالتصالح بعد تحرير محضر اتهمها فيه باتلاف الاستوديو الخاص به وتقديم فيديو يثبت ذلك.
