كتب- هاني هاشم
حرصت الفنانة رانيا فريد شوقي، على كشف واقعة حدثت بينها وبين الفنان يحيى الفخراني بمسلسل”يتربى في عزو”.
وكتبت رانيا، عبر حسابها الشخصي على موصع التواصل الاجتماعي إنستجرام، قائلة: “كنت مرعوبة أول ما اتعرض عليا دور (إيناس) في يتربى في عزو، خفت أعمله، واعتذرت فعلا.. لحد ما دكتور يحيى كلمني بنفسه وقالي: “إنتي اعتذرتي؟!”، قولت له: “آه، خوفت”، قالي: “متخافيش… الدور حلو وهيفرق معاكي”.
وتابع: “فعلا.. من أنجح الأدوار اللي عملتها وساب علامة، بس بقى خليني أحكيلكم من الكواليس ، كان في مشهد في شرم الشيخ، المفروض إن أنا مراته، وراح بيا نسهر، و (إيناس) أصلاً كانت ناوية تتلكك على أي خناقة عشان تسيبه وتخلع، وفي مكان السهرة، لقينا رقاصة بتتدلع على حمادة، ويا دوب لقيت (إيناس) بتزغر للرقاصة، ولحمادة وضربة بوز و عنيها بطلع شرار!، اتاريهم كانوا يعرفوا بعض، وإيناس قلبتها نكد، سبته ومشيت!”.
وأضافت: “وإحنا بنعمل بروفة المشهد فجأة لقيت دكتور يحيي بيضحك أوي!، قولتله: “في إيه؟!”، قالي: “الله يكون في عون اللي هيتجوزك! ده مش تمثيل”.
